ఆకురాలు కాలమా అలసిపోని విలయమా
నేలపైన వాలినా రంగులన్ని నీవేనా?
ఆకురాలు కాలమా ...............
నడినెత్తిన మాసిన వెలుగు కొలువు
నిలువెత్తున ఖైదీగా వేడి పొడగు
రూపేమో తెలుపైనా  మంచుపిలుపు
జివ్వుమనే సూదిమొనల పరుపేగా
ఆకురాలు కాలమా...
దుమ్ము ధూళి అలుముకున్న వదనంపై
అమ్ముకున్న వసంతాల సమాధిపై
కనబడవే కాస్తైనా వేదనల రోదనలు
 కన్నీటి చారికల గతకాలపు వైభవాలు
ఆకురాలు కాలమా.........
జవసత్వాలుడిగి పోయి ఆసక్తులు సమసినాక
రివురివ్వున ఎగిరేందుకు రావు కదా రెక్కల సలు
పూసి కాసి పండయి పోయిన వయసున
మిగిలిన పడిగాపులు అసుర సంధ్య కౌగిలికేగా .............ఆకురాలు కాలమా.........