చుక్కలడిగానా
వెన్నెల రెక్కలడిగానా
చల్లగాలి వేణువూదే
తీయతీయని గానమడిగానా
చుక్కలడిగానా
చూపువంకన సిరులుపొంగే
చిరువలపుతలపుల జాడలడిగానా
పెదవి మలుపున సేదదీరే
మౌన రాగపు మనసునడిగానా ?
వెలుగునీడల దోబూచులాడె
చిలిపి సరదా మేలిపరదా
తడబాటు మేఘపు
తొలకరింపుల తొణికిసలనడిగానా
నడిరేయి వడిలో
వలపుముంగిట వెలుగు తారక
కంటిధారై మింటజారే
వెలుగువాకల వైన మడిగానా?
చుక్కలారా అక్కలారా
చక్కదనమౌమొక్కలారా
వెన్నెల దిక్కులారా
వెలుగుల చినుకులారా
ఒక్కమాటను మీ రెక్కమాటున
రాచకన్నియ రాయంచ పాపతొ
పదిలముగ పదినాళ్ళు నిలిచే
పాట పల్లవి పొదగలేరా?
చుక్కలడిగానా
వెన్నెల రెక్కలడిగానా
చల్లగాలి వేణువూదే
తీయటియని గానమడిగానా
No comments:
Post a Comment